Semangat sing gedhe diduweni para pahlawan mliginé arek arek Surabaya sing dipimpin déning Bung Tomo kanggo njejegake kamardikan ing nuswantara ya ing NKRI , nganti ana tetembungan “merdeka atau mati “, “rawe rawe rantas malang malang putung”. Paribasan kang nduweni teges “Kabeh sing ngalang-alangi bakal disingkirake”, para penjajah kang ngalangi kamardikan bangsa Indonesia kabeh disingkirake karo para pejuang nganti tumetese getih.
Ing Dina samangke, akeh tumindak para mudha kang salah kaprah kayata tawuran, geng motor, narkoba, lsp. Tumindak kang kaya mangkono aja nganti ditiru karo para mudha amarga ora nggambarake tumindake para pahlawan kang wis merjuangake kamardikan Bangsa Indonesia. Tumindak kang kaya mangkono malah-malah ngrusak generasi bangsa.
Angajeni para pahlawan sing ngurbanake jiwa lan ragane mujudake nilai sing wigati kanggo para paneruse bangsa ing jaman samangke, kanthi cara sregep sinau, peduli mring sasama, ngulinakake pangucap matur nuwun uga pangapunten , lan tetep dadi generasi paneruse bangsa Kang kebak ing rasa nasionalis lan patriotis.
Mugi para Suhada para pahlawan pikantuk panggenan ingkang saè wonten ing sisihipun Gusti Kang Amurbeng Dumadi , “10 Nopember”
